МЕДИЦИНА КЫЗМАТКЕРЛЕРИНИН КҮНҮ БЕЛГИЛЕНДИ

2-июль күнү Кыргыз Республикасынын Медицина кызматкерлеринин кесиптик майрамына карата Базар-Коргон райондук мамлекеттик администрациясынын жыйындар залында санитардык-эпидемиологиялык талаптарды сактоо менен салтанаттуу иш-чара өткөрүлдү. Иш-чарада райондук мамлекеттик администрациясынын башчысы-аким Дж.Сатыбалдиев райондук саламаттыкты сактоо тармагында эмгектенген кызматкерлерди куттуктап Ардак грамоталарды жана акчалай сыйлыктарды тапшырды. COVID-19 илдетине каршы күрөшүүдө талыкпай эмгектенип келген медицина кызматкерлерге майрамдык маанай тартуулоо максатында чакан концерттик программа уюштурулуп, айыл өкмөт башчылары жана мекеме-ишкана жетекчилери тарабынан куттуктоо сөздөрү айтылып белектер тапшырылды.