БАЛДАРДЫН СҮРӨТ СЫНАГЫ ЖҮРҮП ЖАТАТ

Райондун акиминин буйругу менен 15-майдан 15- июнга чейин район аймагында балдардын колдоонун бир айлыгы жүрүп жатат. Бул багытта бир катар маанилүү иш-чараларды ишке ашыруу каралган. Ошондой эле бир айлыктын алкагында райондук билим берүү бөлүмү тарабынан 5 жаштан 14 жашка чейинки балдар арасында 1-июнь – балдарды коргоо күнүнө карата “Мекеним Кыргызстан” аттуу темада сүрөт сынагы жарыяланган.

Учурда райондогу жалпы билим берүүчү жана мектепке чейинки мекемелердин окуучулары, тарбиялануучулары өздөрүнүн тарткан сүрөттөрүн акимдин буйругу менен түзүлүп, сүрөттөрдү каыл алуучу жумушчу топко жөнөтүшүүдө. Ал жумушчу топ келген сүрөттөрдү карап, жеңүүчүлөрдү аныктайт. Ал эми жеңүүчүлөргө сыйлыктар берилет.